Prezident Şəki Xan Sarayında baş vermiş hadisəni xüsusi nəzarətə götürüb

Kateqoriyasız


Respublika Baş Prokurorluğu və Fövqəladə Hallar Nazirliyinin Mətbuat xidmətləri Şəki Xan Sarayının qarşısında baş vermiş hadisə ilə bağlı birgə məlumat yayıb.

“Marja” xəbər verir ki, məlumatda iyulun 14-də saat 12 radələrində Şəki Xan Sarayı ərazisində 1530-cu ilə aid ağacın təxminən 50 santimetr diametrində olan budağının qəflətən qırılaraq həmin vaxt sarayın həyətində olan turistlərin üzərinə düşdüyü bildirilir.

Qeyd edilir ki, nəticədə 19 nəfər müxtəlif dərəcəli bədən xəsarətləri alaraq təcilli olaraq Şəki Mərkəzi Rayon Xəstəxanasına yerləşdirilib. Onlara ilkin təcili-tibbi yardım göstərilib. Dörd nəfərin səhhəti ağır olduğundan onlar reanimasiya şöbəsinə yerləşdirilib.

Bakı şəhərindən FHN-in helikopterləri vasitəsilə Səhiyyə Nazirliyinin təcrübəli reanimatoloq, neyrocərrah, travmatoloq və digər həkimləri Şəki rayonuna göndərilib. Eyni zamanda, baş vermiş hadisənin səbəblərinin müəyyənləşdirilməsi məqsədilə Fövqəladə Hallar, Ekologiya və Təbii Sərvətlər, Mədəniyyət nazirliklərinin və Baş Prokurorluğun məsul şəxsləri Şəki şəhərinə ezam olunublar.

Hadisə ilə əlaqədar Baş Prokurorluğun 492 55 40 , FHN-in 112 və Səhiyyə Nazirliyinin 498 78 46 saylı qaynar xətt əlaqə mərkəzləri yaradılıb.

Baş vermiş hadisə və xəsarət alan şəxslərin müalicəsi dövlətimizin başçısının xüsusi nəzarətindədir.

Hadisənin başvermə səbəbləri ilə bağlı ictimaiyyətə əlavə məlumat veriləcək.

Xatırladaq ki, 07 İyul 2019-cu il taroxondə Xan Sarayı ilə birgə Şəkinin tarixi mərkəzinin UNESKO-nun Ümumdünya İrs Siyahısına daxil edilib. Artıq Şəkinin tarixi mərkəzində keçmişimizi özündə təcəssüm etdirən Şəki Xan Sarayı, karvansaraylar, məscid və minarələr, qədim körpülər, sənətkarlıq emalatxanaları və yaşayış evləri  bəşəriyyətin mədəni irsi hesab olunur.


Dövlət Turizm Agentliyindən açıqlama

Bu gün saat 12:00 radələrində Şəki Xan Sarayının qarşısında çinar ağacının budağı yerə düşərək insanlara xəsarət yetirib. Xəsarət alanlar arasında həm yerli, həm də xarici vətəndaşlar var.

Bu barədə Dövlət Turizm Agentliyi məlumat yayıb.

İlkin məlumata görə, hadisə ilə bağlı 19 nəfər Şəki Rayon Mərkəzi Xəstəxanasına müraciət edib. Onlardan ikisi xəstəxanaya yerləşdirilib, digər 17 nəfərin müəyyən hissəsinə ilkin tibbi yardım göstərilib, bir qisminin müalicəsi hazırda davam edir. Paytaxtdan xəstəxanaya yerləşdirilən 2 şəxsə görə yüksək ixtisaslı mütəxəsislər çağırılıb.

Hadisə yerində hüquq-mühafizə orqanları araşdırma aparır. Hadisə baş verən andan Dövlət Turizm Agentliyinin rəhbərliyi Şəkiyə doğru yola çıxıb.


Yaralananlardan 5-i Suriya, 2-si Rusiya vətəndaşıdır – Tam siyahı

Şəki Xan sarayının həyətindəki ağacın budağının aşması nəticəsində xəsarət alan şəxslərin kimliyi məlum olub.

Səhiyyə Nazirliyindən verilən məlumata görə, onlardan 2-si Rusiya, 5-i isə Suriya vətəndaşıdır. 

Hadisə zamanı xəsarət alan şəxslər siyahısını təqdim edirik: 

Soltanova Sevinc (1940, Rusiya)
Soltanova Laçın (2004, Rusiya)
Sara Hasan (1998, Suriya)
Farik al Hasan (1952, Suriya)
Mariya al Hasan (2003, Suriya)
Samira al Hasan (1965, Suriya)
Galia al Hasan (1988, Suriya)

Rəsulova Səbinə (1983)
Məmmədov Elxan (1993)
Məmmədova Səkinə (1998)
Teymurova Validə (1995)
Ağayev Fərid (1996)
Məmmədov İlkin (1995) 
Məmmədova Zemfira (1994)
Naibə Hüseynova (1968)
Cəfərova Məryəm (1961)
Niftəliyeva Könül (1979)
Xasiyeva Yasəmən (1970)
Ağamalıyeva Xatirə (1987)

Paylaş